ක්‍රීඩකයන් 19 දෙනෙකුගෙන් යුත් කණ්ඩායමක් අවුරුදු 17න් පහළ ක්රිකට් තරඟාවලියකට සහභාගී වීම සඳහා මෙරටට පැමිණ ඇති අතර මොවුන් පමුණුගම ප්‍රදේශයේ සංචාරක හෝටලයක නවාතැන්ගෙන ඇති බවයි පොලිසිය පවසන්නේ. ඊයේ පස්වරුවේ ක්‍රීඩකයින් 04 දෙනෙකු එම හෝටලයේ පිහිණුම් තටාකයේ පිහිනීමට ගොස් ඇති අතර එහිදී එක් අයෙක් දියේ ගිලී ජීවිතක්ෂයට පත්ව තිබෙනවා.
මෙලෙස මියගොස් ඇත්තේ ඉන්දියාවේ ගුජරාට් ප්‍රාන්තයේ පදිංචි 12 හැවිරිදි ළමයෙක් බව සඳහන්. මෘත ශරීරය මේ වන විට පශ්චාත් මරණ පරීක්ෂණ කටයුතු සඳහා රාගම රෝහලට රැගෙන ගොස් ඇති අතර පශ්චාත් මරණ පරීක්ෂණය අද සිදු කිරීමට නියමිතයි. මේ සම්බන්ධයෙන් පමුණුගම පොලිසිය වැඩිදුර පරීක්ෂණ පවත්වනු ලබනවා.
No comments:
Post a Comment