රජය විසින් මුස්ලිම් විවාහ හා දික්කසාද පනතට මේ වනවිට යෝජනා කර ඇති සංශෝධන ප්රමාණවත් නොවන බවත් මුස්ලිම් කාන්තාවන් ඉල්ලා සිටින සියලුම සංශෝධන ඇතුළත් කරමින් පනත සම්පූර්ණයෙන් සංශෝධනයට ලක්විය යුතු බව හිටපු පාර්ලිමේන්තු මන්ත්රීනී ෆේරියල් අශ්රොෆ් මහත්මිය පවසයි.
බාලවයස්කාර දැරියන් විවාහ කරදීමට සහ විවාහයේදී හෝ දික්කසාදයේදී කාන්තාවගේ කැමැත්ත සලකා නොලැබීමට නීතිමය ආවරණය සැපයූ මුස්ලිම් විවාහ හා දික්කසාද පනත සංශෝධනය කළ බවට කලක් තිස්සේ කෙරුණු ඉල්ලීම් සලකා බලමින් පසුගියදා ඒ සඳහා කැබිනට් පත්රිකාවක් අමාත්ය මණ්ඩලයට ඉදිරිපත් කර තිබුණු අතර ඊට අනුමැතිය ද හිමිව තිබිණි.
එහෙත් සංශෝධනය පිළිබඳ අදහස් දක්වමින් මුස්ලිම් ආගමික කටයුතු අමාත්ය අබ්දුල් හලීම් මහතා පැවසුවේ විවාහ වයස අවුරුදු 18 ලෙස නම් කර ඇතත් විශෙෂ අවස්ථාවන්හිදී කාතිවරයාගේ අවසරය ඇතිව බාලවයස්කාරියන් විවාහ කරවීමට නව පනතෙන් ද අවකාශ හිමිවන බවයි. එසේම කාති උසාවිවල විනිසුරු පදවියට කාන්තාවන් පත්කිරීමට ඉල්ලීම් තිබුණත් මුස්ලිම් ආගමික සංවිධාන ඊට දැඩි විරෝධය පෑම නිසා එම සංශෝධනය ද ඉවත් කරගැනීමට සිදුවූ බව අමාත්යවරයා ප්රකාශ කළේය.
මෙම තත්වය පිළිබඳ අදහස් දක්වමින් ෆේරියල් අශ්රොෆ් මහත්මිය පෙන්වා දුන්නේ විවාහ වයස ස්ථිරවම අවුරුදු 18 ම විය යුතු බවත් පනතට කුඩා කුඩා වෙනස්කම් සිදු නොකර මුස්ලිම් කාන්තාවන් ඉල්ලා සිටි සියලුම සංශෝධන ඇතුළත් කළ යුතු බවත්ය.
මුස්ලිම් කාන්තාවන්ට තවදුරටත් කඳුළු බරින් සිටින්නට නොහැකි බවයි ඒ මහත්මිය අවධාරණය කළේ.
ෆේරියල් අශ්රොෆ් මහත්මිය මේ බව පැවසුවේ පෙරේදා (23) කොළඹදී අලුත් පියාපත් සංවිධානය විසින් පැවැත්වූ සංවාදයක් අමතමිනි.
-lankanewsweb
Saturday, August 24, 2019
Home
ප්රවෘත්ති
සුළු වෙනස්කම් වැඩක් නෑ. මුස්ලිම් විවාහ හා දික්කසාද පනත සම්පූර්ණයෙන් සංශෝධනය කරන්න - ෆෙරියල්
සුළු වෙනස්කම් වැඩක් නෑ. මුස්ලිම් විවාහ හා දික්කසාද පනත සම්පූර්ණයෙන් සංශෝධනය කරන්න - ෆෙරියල්
Tags
# ප්රවෘත්ති
Share This
About විගස පුවත් I Vigasapuwath
ප්රවෘත්ති
Labels:
ප්රවෘත්ති
Subscribe to:
Post Comments (Atom)
Post Bottom Ad
Author Details
විගස පුවත් වෙබ් අඩවිය මෙරට දේශපාලන ප්රවෘත්ති පාඨක ජනතාවට සැපයීමේ අරමුණින් ක්රියාත්මක වන ප්රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු.
(බාහිර වෙබ් අඩවි වලින් ගනු ලබන තොරතුරු වල සත්යතාවය පිලිබදව අප වගකීම් නොදරන බව කාරුණිකව සලකන්න.)
No comments:
Post a Comment