රන්ජන් නිසා යහපාලන ආණ්ඩුවේ තිබ්බ රෙදිකඩත් ගැලවුණා

රන්ජන් රාමනායක මන්ත්‍රීවරයා තමන්ගේ දුරකථනයට පැමිණි ඇමතුම් පටිගත කර සංයුක්ත තැටිවල තබා ගැනීම හේතුවෙන් යහපාලන ආණ්ඩුවේ රෙදි ගැලවී තිබෙන බව ශ්‍රී ලංකා නිදහස් පක්ෂය සඳහන් කරයි.

මේ නිසා යහපාලන ආණ්ඩුවක් තිබුණාද යන්න පිළිබඳව රටේ මිනිසුන් කල්පනා කරන බවත්, හඬපටවලට අනුව පසුගිය ආණ්ඩු කාලයේ නීතිය ක්‍රියාත්මක වීම පිළිබඳව ගැටලු තත්ත්වයක් ඇතිවී තිබෙන බවත් එම පක්ෂයේ මහලේකම් දයාසිරි ජයසේකර මහතා සඳහන් කළේය. මෙවැනි පුද්ගලයන් සිදුකරන පිස්සු වැඩ හේතුවෙන් පොලීසිය පිළිබඳව විශ්වාසයක් නොමැති වී තිබෙන බවද හෙතෙම පවසා සිටියේය.