කාලතුවක්කු ගෙන්නලා, පෙරහුරුත් කරලා. සරල බව පෙන්නද්දි වියදම් ගිහින් ඉවරයි - රංගේ

ඊයේ (03) දිනයේ නව පාර්ලිමේන්තු සභාවාරය විවෘත කිරීමේ උත්සවය සරල එකක් බව පෙන්වීම සඳහා හමුදා උත්තමාචාරය අවලංගු කිරීමට ජනාධිපති ගෝඨාභය රාජපක්ෂ මහතා තීරණය කළත් ඊට පෙර දිනයේදී ඒ සඳහා කාලතුවක්කු රැගෙනවිත් හමුදා අනුඛණ්ඩ යොදවා සියලුම පෙර පුහුණු කටයුතු සිදුකර තිබුණු බැවින් සරල බව පෙන්වීමට ගියත් වියදම් වී හමාර බව එක්සත් ජාතික පක්ෂ පාර්ලිමේන්තු මන්ත්‍රී පාලිත රංගේ බණ්ඩාර මහතා පෙන්වා දෙයි.
"වෙඩිමුර තැබීමට කාලතුවක්කු මෙතෙන්ට රැගෙන ආවා, සූදානම් කළා. ඒවාගේම හමුදා අනුඛණ්ඩ ගෙනල්ලා මෙතන පෙරහුරු කළා. ඒවගේ ඊයේ සියලු වියදම් කරලා අවසන් කරලා තමයි අද මේ උත්සවය අවලංගු කිරීමට කටයුතු කළේ සරල බව පෙන්වීමට.

සරල බව පෙන්වීමට කටයුතු කරනකොට කරන්න ඕනෙ වියදම සම්පූර්ණයෙන්ම කරලා අවසානයි." යනුවෙනුයි ඒ මහතා සඳහන් කළේ.

පාලිත රංගේ බණ්ඩාර මහතා මේ බව පැවසුවේ ඊයේ (03) පාර්ලිමේන්තු සංකීර්ණයේදී මාධ්‍ය වෙත අදහස් දක්වමිනි.