නිරෝධායනයට මුදල් ගන්නේ යයි විරෝධතා.. කොරියාවේ සිට පැමිණි පිරිස නිසා ගුවන් තොටුපල උණුසුම් - (video)

නිරෝධායනය සඳහා රුපියල් හත්දහස් පන්සියයක මුදලක් අය කරන්නේ යයි පැතිර ඇති තොරතුරු හේතුවෙන් අද කොරියාවේ සිට පැමිණි ශ්‍රී ලාංකිකයන් පිරිසක් විරෝධය පළකරයි.

ඔවුන් ගුවන්තොටුපල පරිශ්‍රයේදී කියා සිටින්නේ මෙය අසාධාරණ ක්‍රියාවක් බවයි.

එමෙන්ම නිරෝදායන මධ්‍යස්ථානයේදී වතුර බෝතලය පටන් සියල්ල මුදලට ගැනීමට සිදුව ඇති බවද ඔවුන් සඳහන් කරයි.

එමෙන්ම පැය ගණනාවක් තිස්සේ රස්තියාදු කරවා ඇති බවත් ප‍්‍රවාහන පහසුකම් හෝ ලබා දී නැති බවත් ඔවුන් චෝදනා කරති.

අද පෙරවරුවේ කොරියාවේ සිට පැමිණි පිරිස් සමාජ ජාල වෙත වීඩියෝ මුදාහරිමින් මේ ආකාරයෙන් සඳහන් කළහ.