උන්වහන්සේ කීවේ ආණ්ඩුව හැසිරුනේ විභාගයක් අසමත් වූ විට කිහිපවරක් එම විභාගයට පෙනී සිටීමෙන් පසු එම විභාගය සමත් කරගන්නා පුද්ගලයෙක් ලෙස බවය.
තමන්ට අවශ්‍ය ප්‍රතිඵල ලැබෙන තෙක් ඩී.එන්.ඒ පරීක්ෂණ කරන රටවල් ලෝකයේ කොතැනවත් නැතිබව කි කාදිනල්වරයා පෙන්වා දුන්නේ අප අපේ මෝඩකම් ලෝකයට පෙන්වා විහිළු සපයන බවය.
උන් වහන්සේ මේ බව පැවසුවේ ඊයේ (04) සවස කොළඹ අගරදගුරු නිවසේ පැවති මාධ්‍ය සාකච්ඡාවක් අතරතුර මාධ්‍යවේදියෙකුගේ ප්‍රශ්නයකට පිළිතුරු දෙමිනි.
“ ජාත්‍යාන්තරයට යන්නේ නැතිව ලංකාවෙම මේ ප්‍රශ්නය බේරුම් කරගන්න ඕන කියලා තමයි බලාපොරොත්තු වුනේ. පාස්කු ප්‍රහාරය ගැන විනිවිද පෙනෙන පරීක්ෂණයක් කරන්න කියලා අපි රජයන්ගෙන් ඉල්ලා සිටියා. යහ පාලන රජයෙන් ඉල්ලා හිටියා. ගෝඨාභය රජයෙන් ඉල්ලා සිටියා. දැන් ඉන්න රජයෙන් ඉල්ලා සිටිනවා. පාස්කු ප්‍රහාරය සම්බන්ධව විනිවිද පෙනෙන විමර්ශනයක් සිදුවෙලා නෑ. සිදුවෙන්නෙ බොහෝ විට එයාලට අවශ්‍ය ප්‍රතිඵල ලබා ගැනීම සදහා කරන දේවල් පමණයි.
No comments:
Post a Comment