සමාජ මාධ්‍ය තුළ අරගලයේ නිරතවූවන්ගේ නම් ලයිස්තුවක් බෙදා හැරෙන බවත් ඔවුන්ට පරිස්සමින් සිටින ලෙස විවිධ ප්‍රචාර යන බවත් පැවසූ විපක්ෂ නායකවරයා කියා සිටියේ ජන අරගලයට සම්බන්ධ සියලු දෙනා මැර ප්‍රහාරවලට හා ජීවිත තර්ජනවලට ලක් වී ඇති බවත් ය.
එසේ ම වත්මන් ජනාධිපතිවරයා පවා අරගලයේ අතුරු ප්‍රතිඵලයක් ලෙස බලයට පැමිණි අයකු බැවින් මේ සම්බන්ධයෙන් අවධානය යොමු කරන ලෙසත් පැවසූ විපක්ෂ නායකවරයා කියා සිටියේ ඊයේ සිදුවූ මේ ප්‍රහාරය අරගලයේ නිරත පිරිසට එල්ල කරන ප්‍රහාර මාලාවේ එක් පියවරක් බවත් ය. එබැවින් සාමකාමී අරගලයක නිරත පිරිසගේ ජීවිත ආරක්ෂාව වෙනුවෙන් රජය මැදිහත් විය යුතු බව විපක්ෂ නායකවරයා තවදුරටත් අවධාරණය කළේය.
විපක්ෂ නායක සජිත් ප්‍රේමදාස මහතා මේ බව කියා සිටියේ අද පාර්ලිමේන්තුවේ පැවැති විවාදයකට එක් වෙමිනි.
– Media unit
– Media unit
No comments:
Post a Comment