සෞඛ්‍ය ඇමැති කිරිපිටි සමාගම්වල කුමන්ත්‍රණ රකින බවට චෝදනා

මෙරටට ආනයන කරන කිරිපිටි ප්‍රවර්ධනය කිරීම සෞඛ්‍ය අමාත්‍යංශය විසින් සිදු කරමින් සිටින බව පාර්ලිමේන්තු මන්ත්‍රී රොෂාන් රණසිංහ මහතා පවසයි.

ගම්පහ ප්‍රදේශයේ පැවති ජන හමුවකට එක්වෙමින් මන්ත්‍රීවරයා මේ බව සඳහන් කළේය.

පහුගිය කාලය පුරා සෞඛ්‍ය අමාත්‍යාංශය විසින් ළඳරුවන් සඳහා කිරිපිටි ලබා දීම අහිතකර බවට දැන්වීම් ගසා තිබු බවත්, අද වන විට ඇමතිවරයා හා සෞඛ්‍ය අමාත්‍යාංශයේ ඇතැම් නිලධාරීන් පිටරටින් එන කිරිපිටි ප්‍රවර්ධනය කිරීමේ වැඩපිළිවෙලක යෙදී සිටින බව ද රොෂාන් රණසිංහ මහතා පැවසීය.

වෛද්‍ය සංගමය විසින් කිරිපිටිවල ඇති අහිතකර තත්ත්වය පෙන්වා දී තිබිය දීත් සෞඛ්‍ය අමාත්‍යවරයා විසින් මේ බව මායිම් නොකර කිරිපිටි සමාගම් ආරක්ෂා කිරීමේ වැඩසටහනක් දියත් කර ඇති බව ද ඒ මහතා වැඩිදුරටත් සඳහන් කළේය.

ජනාධිපතිවරයා පවා මේ පිළිබඳ විරෝධය පළ කර ඇති බවත්, අද වන විට එක්සත් ජාතික පක්ෂය බහුජාතික සමාගම් වෙනුවෙන් පෙනී සිටින බවත්, රටේ ජනතාව වෙනුවෙන් ඔවුන් පෙනී නොසිටින බවටත් රොෂාන් රණසිංහ මහතා චෝදනා කර සිිටියේය.