මැකෝ කළකිරීමෙන් : අස්වෙන දවස ස්ථිර කරයි : අගෝස්තු 15 තීරණාත්මකයි

පළාත් සභා මැතිවරණය ජනාධිපතිවරණයට පෙර පැවැත්වීමට නොහැකි වුවහොත් ජනාධිපතිවරණය හමාර වී නව ජනාධිපතිවරයා දිවුරුම් දුන් විගස තමන් මැතිවරණ කොමිසමේ සභාපති ධුරයෙන් ඉල්ලා අස්වන බව මැතිවරණ කොමිසමේ සභාපති මහින්ද දේශප්‍රිය මහතා කියයි. සතිඅන්ත පුවත්පතකට අදහස් දක්වමින් දේශප්‍රිය මහතා මේ බව පවසා ඇති අතර, පළාත් සභා ඡන්දය සඳහා අවම වශයෙන් දින 60ක කාලයක් අවශ්‍ය බවත් පවසා තිබේ.
ඒ අනුව ලබන අගෝස්තු 15 වැනිදාට පෙර පළාත් සභා මැතිවරණය පැවැත්වෙන්නේද නැද්ද යන්න ස්ථිර වියයුතු බවද ඔහු කියා සිටී.

එදිනට පෙර පළාත් සභා ගැන තීන්දුවක් නොගතහොත් නියමිත පරිදි ජනාධිපතිවරණය සඳහා අවශ්‍ය කටයුතු සම්පාදනය කරන බවද මැකෝ සඳහන් කර තිබේ.

එලෙස තනතුර හැරයන්නේ ජනාධිපතිවරණයට පෙර පළාත් සභා ඡන්දය පැවැත්වීමට නොහැකි වුවහොත් තමන් මැතිවරණ කොමිසමේ සභාපති ධුරයෙන් ඉවත්වන බවට දුන් ප්‍රතිඥාව අනුව යැයිද ඔහු කියා සිටී.