ගෝඨාභය කොටු කරන්න රහස් පොලිසියේ 20ක් මැදමුලනට පනී

හිටපු ආරක්ෂක ලේකම් ගෝඨාභය රාජපක්ෂ මහතාගේ නම 2005 වසරේ ඡන්ද හිමි ලේඛණයට ඇතුලත් වූයේ කෙසේදැයි පරීක්‍ෂණ පැවැත්වීමට රහස් පොලිසිය වෙනම ඒකකයක් යොදවා ඇති බව හිටපු ජනාධිපති මහින්ද රාජපක්ෂ මහතා පවසයි. දැනටමත් රහස් පොලිසිය 20 ක පමණ කණ්ඩායමක් ඒ ගැන සොයා බැලීමට මැදමුලනට ප්‍රදේශයට ගොස් ඇති බවද ඔහු පැවසීය.

එමෙන්ම ගෝඨාභය රාජපක්ෂ මහතා ශ්‍රී ලංකාවේ විදේශ ගමන් බලපත්‍රයක් ලබාගත් අයුරු සොයා සොයා බලන්නැයි ඊයේ දින සිට පරීක්ෂණ ආරම්භ කර ඇති බවද රාජපක්ෂ මහතා කියා සිටියේය.

පාස්කු ඉරිදා ත‍්‍රස්ත ප‍්‍රහාරයට වගකිව යුත්තන්ට දඬවම් දීමට එතරම් උනන්දුවක් නැති බවත් ඔහු පෙන්වා දුන්නේය.

කොලඹදී පැවති උත්සව සභාවක් අමතමින් ඔහු මෙම අදහස් පළ කළේය

ගෝඨාභය රාජපක්ෂ මහතා ජනාධිපතිවරයා බවට පත්වීම වැළැක්වීම සඳහා ආණ්ඩුව පාර්ශ්වයෙන් හැකි උපරිම උත්සාහ දරමින් සිටින බව ද ඔහු සඳහන් කළේය