ISIS ප්‍රබල සාමාජිකයන් දෙදෙනකු යුධ හමුදා ඇඳුම් සමග කොළඹ 7 නිවසකින් අත්අඩංගුවට

මෙරට ආරක්ෂක අංශ සතුව තිබෙන ISIS ත්‍රස්තවාදීන් ගේ නම් ලැයිස්තුවේ සඳහන් ISIS ත්‍රස්තවාදී සංවිධානයේ ප්‍රබල සාමාජිකයන් දෙදෙනකු කොළඹ 7 ටොරින්ටන් ප්‍රදේශයේ නිවසකදී පොලීසිය විසින් අත්අඩංගුවට ගෙන තිබෙනවා.

කුරුඳුවත්ත පොලිසිය පවසන්නේ එකම පවුලේ සහෝදරයන් වන මෙම දෙදෙනා සමග යුධ හමුදා කැලෑ ඇඳුම් කිහිපයක් ද අත්අඩංගුවට ගත් බවයි.

මෙම දෙදෙනා ගේ පියා මීට දින කිහිපයකට පෙර නාරාහේන්පිට පොලිසිය විසින් අත්අඩංගුවට ගෙන රැඳවුම් නියෝග මත ප්‍රශ්න කරමින් සිටින බවද පොලිසිය සඳහන් කරයි.

මොවුන් දෙදෙනා ද ISIS ත්‍රස්තවාදී මතයට නැඹුරුව කටයුතු කරන බවට බුද්ධි අංශ මගින් හෙළිකරගත් තොරතුරු අනුව මෙම අත්අඩංගුවට ගැනීම සිදුකර තිබේ.