අල්ලස් වරදට සිරදඬුවම් නියම වූ සරණට පැය කිහිපයකින් ඇප!

අල්ලස් පනත යටතේ වරදකරු වී වසර තුනකට සිරදඬුවම් නියම වූ හිටපු නියෝජ්‍ය අමාත්‍ය සරණ ගුණවර්ධන මහතා රුපියල් ලක්ෂ තුනක ශරීර ඇපයක් මත කොටුව ප්‍රධාන මහේස්ත්‍රාත් ලංකා ජයරත්න මෙනෙවිය නියෝග කර තිබේ.

සරණ ගුණවර්ධන මහතා වෙනුවෙන් පෙනී සිටි ජනාධිපති නීතිඥ අනිල් සිල්වා මහතා අධිකරණය හමුවේ කරුණු දක්වමින් කියාසිටියේ සිය සේවාදායකයාට එරෙහිව නියම කර තිබෙන සිර දඬුවමට එරෙහිව මහාධිකරණයේ අභියාචනයක් ගොණු කර ඇති හෙයින් එය විභාග කර අවසන් වන තෙක් ඇප ලබා දෙන ලෙසයි.

ඒ අනුව කොටුව ප්‍රධාන මහේස්ත්‍රාත් සරණ ගුණවර්ධන මහතාට ඇප නියම කර තිබුණි.

2005 වසරේ මැයි මස පස් වනදා සිට 2007 වසරේ අප්‍රේල් මස 30 වනදා දක්වා කාලසීමාව තුළ සංවර්ධන ලොතරැයි මණ්ඩලයේ සභාපතිවරයා ලෙස කටයුතු කළ අවධියේ රුපියල් 960000/- ක් වැයකරමින් වාහන තුනක් බදු ක්‍රමය යටතේ ලබා ගැනීම තුළින් රජයට පාඩුවක් සිදු කළේ යැයි සරණ ගුණවර්ධන මහතාට චෝදනා එල්ල වී තිබුණි.