නැගෙනහිර මුහුදේදී ගිනිගැනීමට ලක් වූ ‘නිවු ඩයමන්ඩ්’ ඉන්ධන ප්‍රවාහන නෞකාවෙන් නිකුත් වූ ඩීසල් පැල්ලමක් එම ප්‍රදේශයේ ඇති බව නාවික හමුදා මාධ්‍ය ප්‍රකාශක ඉන්දික සිල්වා මහතා සඳහන් කරයි.
එම පැල්ලම නැවේ ප්‍රවාහනය කළ බොරතෙල් කාන්දුවක් නිසා ඇති වූවක් නොව හානියට පත් එන්ජිමේ සහ ටැංකි වල ඇති ඩීසල් බවද ඔහු පැවසීය.
මෙම ඩීසල් පැල්ලම නාවුක සැතපුමක් පමණ දිගින් යුතු එකක් බවත් එය කිසිලෙසකත් නෞකාවේ ගබඩාවල ඇති බොරතෙල් සංචිතයේ කාන්දුවක් නොවන බවද ඔහු පැවසීය.
එම තෙල් පැල්ලම නිෂ්ක්‍රීය කිරීමට රසායනික ද්‍රව්‍ය ඉසීමක් සිදු කරන බවද ඒ මහතා කියා සිටියේය.
මෙම නෞකාව දෙවන වරටද ගිනි ගැනීමකට ලක්වීමෙන් පසු එම ගින්න පාලනය කිරීමට නාවුක හමුදාව කටයුතු කරමින් ඇත.
-lankacnews
No comments:
Post a Comment