පාඨලී ඇල්ලූ වේගයෙන්ම රනිලුත් අත්අඩංගුවට ගන්න.

පාඨලී චම්පික රණවක මහතා අත්අඩංගුවට ගත් වේගයටම මහ බැංකු වංචාවේ මහ මොළකරු හිටපු අගමැති රනිල් වික්‍රමසිංහ මහතාවත් අත්අඩංගුවට ගෙන නීතිය ක්‍රියාත්මක කළ යුතු බව ජනතා විමුක්‌ති පෙරමුණේ පාර්ලිමේන්තු මන්ත්‍රී නලින්ද ජයතිස්‌ස මහතා ඊයේ (20 වැනිදා) දිවයිනට පැවසීය.

 බැඳුම්කර වංචාව සම්බන්ධයෙන් නීතිය වහා ක්‍රියාත්මක විය යුතු බවත් කී හෙතෙම එළඹෙන පෙබරවාරි 15 වැනිදාට පෙර රනිල් වික්‍රමසිංහ මහතා අත්අඩංගුවට ගතයුතුව ඇති බවත් කීවේය.

 මහ බැංකු බැඳුම්කර වංචාවට අදාළ සියලු තොරතුරු නීතිපති දෙපාර්තමේන්තුවට යවා ඇතැයිද එහෙයින් ඒ සම්බන්ධයෙන් නීතිය ක්‍රියාත්මක කිරීමට තවත් ප්‍රමාද විය යුතු නැතැයිද හෙතෙම සඳහන් කළේය.
-Divaina.