ඉවක් බවක් නොමැතිව මාතලේ දිස්ත්‍රික්කයේ වනාන්තර ගිනි තැබීම් හේතුවෙන් ස්වාභාවික පරිසරයට බරපතළ හානි වෙමින් පවතින බව පරිසර සංවිධාන චෝදනා කරයි.
වාර්ෂිකව විවිධ පුද්ගලයින් විසින් සිදුකරන ස්වාභාවික වනාන්තර ගිනි තැබීම් හේතුවෙන් දුර්ලභ පැළෑටි වර්ග, ආවේණික සත්ත්ව විශේෂ මෙන්ම වටිනා රුක්ෂලතා ද වැනසී යන බව පරිසරවේදීහු මැසිවිලි නඟති.
වියළි කාලගුණයත් සමඟ මාතලේ නාඋල ප්‍රදේශීය ලේකම් කොට්ඨාසයේ පමණක් මේ වන විට විශාල භූමි ප්‍රමාණයක් ගිනි තැබීම් හේතුවෙන් විනාශ වී ඇති බවද එම ප්‍රදේශවල පැතිර ගිය ගිනි ගැනීම් නිවා දැමීම සඳහා අදාළ අංශයන්ට විශාල පරිශ්‍රමයක් දැරීමටද සිදුවූ බවද වාර්තා වේ.
වන සංරක්ෂණ දෙපාර්තමේන්තුවේ නාඋල කාර්යාලීය නිලධාරීන් හා නාඋල පොලිස් ස්ථානයේ නිලධාරීන් ඇතුළු ප්‍රදේශවාසීන් මෙන්ම ප්‍රාදේශීය සභා නිලධාරීන් හා සේවකයින් රැසක් ගිනි නිවීම් පාලනය සඳහා පසුගිය දින කිහිපයේ දීම යුහුසුලුව කටයුතු කර තිබේ.
මාතලේ දිස්ත්‍රික්කයේ වනාන්තර ගිනි තැබීම් සම්බන්ධයෙන් මාතලේ නාලන්ද විද්‍යාලයේ පැවති රැස්වීමක් අමතමින් මාතලේ දිස්ත්‍රික් පාර්ලිමේන්තු මන්ත්‍රීණි රෝහිණී කවිරත්න මහත්මිය පවසා ඇත්තේ මෙවැන්නකි.
No comments:
Post a Comment