එම තත්ත්වය තුළ යම්කිසි ආකාරයකින් රෝගියෙක් සිටියේ නම් විශාල පිරිසකට රෝගය බෝවීමත් එම ආශ්‍රිතයන් හඳුනා ගැනීමත් ඉතාම අපහසු වන බවයි සමරවීර මහතා පෙන්වාදෙන්නේ.
එහෙයින් පුද්ගල දුරස්ථභාවය පවත්වා ගැනීමත් ජනාකීර්ණ ස්ථානවල දී නිසි පරිදි මුඛ ආවරණ පැළඳීමත් අත් සේදීමත් ඉතාම වැදගත් බව ඔහු කියා සිටියි.
මේ මොහොතේ වෛරසය ව්‍යාප්තිය පාලනය නොකළොත් එය වෛරසය ව්‍යාප්තියට බලපාන අතර එවැනි තත්ත්වයකදී යළිත් පසුගිය මාස කිහිපයේ පැවති ආකාරයට සීමාවන් පැනවීමට සිදුවනු ඇති බවයි ඔහු සඳහන් කරන්නේ.
එය යළිත් ජන ජීවිතය ආපස්සට හරවනු ඇති බවද සුදත් සමරවීර මහතා අවධාරණය කරයි.
දැන් හඳුනාගෙන තිබෙන තත්ත්වය දෙවන රැල්ලක් දක්වා ව්‍යාප්ත වීමේ අවදානමක් පැවතියත් තත්ත්වය පාලනය කර තිබෙන බවත් මෙලෙස හඳුනා නොගත් රෝගියෙක් තවත් තැනක සිටියොත් එය දෙවන රැල්ලක් ලෙස මතු වීමේ අවදානම තිබෙන බවද හෙතෙම පෙන්වාදෙයි.
එහෙයින් රටේ සමස්ත ජනතාව සෞඛ්‍යාරක්ෂිත ක්‍රමවේද අනුගමනය කිරීම අත්‍යාවශ්‍ය බව සුදත් සමරවීර මහතා වැඩිදුරටත් කියාසිටියි.
No comments:
Post a Comment